Парфюмерия

Flower By Kenzo Ikebana иіссуы Жоғарғы нота: қарақұмық шайы Жүрек ноталары: сакура гүлі мен үнді түберозасы Негізгі ноталар: австралиялық сандал ағашы, ветивер және балқарағай Flower Ikebana хош иісі дизайнер Кензо Такаданың жарқын гүл шоғырына және өмір сүру өнері – art de vivre – деген сүйіспеншілігін білдіреді. Бұл иіссу ежелгі жапон гүлдер композициясының өнеріне — икебанаға арналған. Ол тек гүл шоғын құрастыру ғана емес, кеңістікте үйлесімді орналастыру шеберлігі. KENZO өзінің парфюмериялық топтамасының жаңа бөлімін Flower Ikebana By Kenzo хош иісімен ашады. Бұл жай ғана жаңа композиция емес, брендтің айтуынша, бөтелкеге салынған поэзия, алыс елдер мен гүлденген бақтар туралы әңгіме. Хош иісті парфюмерлер Александра Моне мен Альберто Морильяс жасады, олар Flower тарихына жаңа дем беріп, гүлдердің басқа да сұлулығын көрсетті. Бұл нәзік әрі талғамды гүлді-ағашты иіссу жапон хош иіс дәстүріне сай: алғашқыда білінбей, кейіннен терең әрі сұлу үн қатады. Композицияда үш негізгі элемент үйлесім тапқан: қуырып пісірілген қарақұмық шайының жылы реңі, сакура гүлінің нәзіктігі мен үнді түберозасының абсолюті, австралиялық сандал ағашының сирек әрі тыныштандыратын эфир майы. Базада ветивер мен балқарағай. Хош иіс табиғи шыққан ингредиенттердің 90%-ынан тұрады. Жаңа бөтелкені енді сакура гүлі безендіреді. KENZO Parfums алғаш рет қайта өңделетін экологиялық шыны қақпақ ұсынды. "Біздің хош иісіміз экологиялық сананы білдіреді: ол толығымен Францияда жасалған, құрамында 15% қайта өңделген шыны бар, ал қаптамалық қағаз FSC сертификатталған ағаштан жасалады. Басып шығаруда био-негізделген бояулар қолданылады — бұл біздің экологияға деген ұмтылысымызды көрсетеді", — делінген брендтің баспасөз хабарламасында.